ពិព័រណ៍ទេសចរណ៍អន្តរជាតិទីក្រុងហូជីមិញ លើកទី២០

ឧកញ៉ា ប្រធានសហព័ន្ធទេសចរណ៍កម្ពុជា និង ឧកញ៉ា ប្រធានសមាគម CHA បានចូលរួមក្នុងពិព័រណ៍ទេសចរណ៍អន្តរជាតិទីក្រុងហូជីមិញ លើកទី២០ (ITE-HCMC 2026) និងកម្មវិធីពាក់ព័ន្ធ ក្រោមការដឹកនាំគណៈប្រតិភូជាន់ខ្ពស់ក្រសួងទេសចរណ៍ និងវិស័យឯកជន ដោយ ឯកឧត្តម ហួត ហាក់  រដ្ឋមន្រ្តីក្រសួងទេសចរណ៍។

ព្រឹត្តិការណ៍នេះរៀបចំឡើងក្នុងគោលបំណងផ្សព្វផ្សាយយុទ្ធនាការ «ទស្សនាកម្ពុជានារដូវកាលបៃតង» លើកកម្ពស់សក្តានុពលទេសចរណ៍កម្ពុជា និងពង្រឹងកិច្ចសហប្រតិបត្តិការទេសចរណ៍ជាមួយបណ្តាប្រទេសក្នុងតំបន់ និងដៃគូអន្តរជាតិ ចាប់ពីថ្ងៃទី២៧ ដល់ថ្ងៃទី២៩ ខែសីហា ឆ្នាំ២០២៦ នៅទីក្រុងហូជីមិញ សាធារណរដ្ឋសង្គមនិយមវៀតណាម ។

ITE-HCMC 2026 ប្រព្រឹត្តទៅក្រោមប្រធានបទ «Vibrant Connections, Global Destinations» នៅមជ្ឈមណ្ឌលពិព័រណ៍ និងសន្និបាត Saigon Exhibition and Convention Center (SECC) ដោយរំពឹងទទួលស្វាគមន៍គណៈប្រតិភូជាតិ និងអន្តរជាតិ អ្នកទិញទេសចរណ៍ អាជីវកម្មទេសចរណ៍ និងភ្ញៀវចូលរួមជាច្រើនម៉ឺននាក់មកពីជុំវិញពិភពលោក។