សេចក្តីជូនដំណឹងសមាជិក

សេចក្តីជូនដំណឹង

សេចក្តីជូនដំណឹងស្តីពី ការដាក់ឱ្យដំណើរការសាកល្បងកម្មវិធីលក់កញ្ចុះតម្លៃសេវាកម្មទេសចរណ៍ ប្រចាំឆ្នាំ២០២៦ ខេត្តសៀមរាប ក្រសួងទេសចរណ៍ បានចេញសេចក្តីជូនដំណឹង ការដាក់ឱ្យដំណើរការសាកល្បង “កម្មវិធីលក់បញ្ចុះតម្លៃសេវាកម្មទេសចរណ៍ប្រចាំឆ្នាំ២០២៦ ខេត្តសៀមរាប”  ដើម្បីចូលរួមជំរុញសកម្មភាពទេសចរណ៍ក្នុងខេត្តសៀមរាប ក្រសួងទេសចរណ៍សហការជាមួយសមាគមសណ្ឋាគារកម្ពុជា សាខាសៀមរាប និងសមាគមក្លឹបទេសចរណ៍ខេត្តសៀមរាប ដាក់ឱ្យដំណើរការសាកល្បង “កម្មវិធីលក់បញ្ចុះតម្លៃសេវាកម្មទេសចរណ៍ប្រចាំឆ្នាំ២០២៦ ខេត្តសៀមរាប” ដោយដាក់ឱ្យអនុវត្តចាប់ពីថ្ងៃទី១ ខែសីហា ឆ្នាំ២០២៦តទៅ។ ភ្ញៀវទេសចរជាតិ និងអន្តរជាតិដែលមានបំណងមកទស្សនាកម្សាន្តខេត្តសៀមរាបអាចធ្វើការកក់សេវាកម្មទេសចរណ៍ តាមរយៈគេហទំព័រ www.cambodiawonder.com ដោយទទួលបានបញ្ចុះតម្លៃពិសេសចាប់ពី ១០% ដល់ ៥០% សម្រាប់សេវាកម្មកម្រិតផ្កាយ៣ រហូតដល់ផ្កាយ៥។ សូមភ្ញៀវទេសចរជាតិ និងអន្តរជាតិទាំងអស់ មេត្តាជ្រាបជាព័ត៌មាន និងអញ្ជើញទទួលយកសេវាកម្មបញ្ចុះតម្លៃដ៏ពិសេសនេះដោយសេចក្តីរីករាយ។